Նորություններ http://tiof.am ru Mon, 27 Apr 2026 11:23:30 +0300 ՏՈՕՀ-ի այցը «Չիբուխչյան» նորաձևության դպրոց http://tiof.am/tpost/fvj8e8sjz1- http://tiof.am/tpost/fvj8e8sjz1-?amp=true Sun, 26 Oct 2025 23:22:00 +0300

ՏՈՕՀ-ի այցը «Չիբուխչյան» նորաձևության դպրոց

«Տեքստիլ ոլորտի օպերատոր» հիմնադրամը նախաձեռնել է իրականացնել ճանաչողական այցեր տեքստիլ արտադրամասեր և կրթական հաստատություններ, ինչպես նաև կազմակերպել հանդիպումներ ոլորտի դիզայներների հետ։ Այս հանդիպումները միտված են ոլորտի հնարավորությունների ուսումնասիրմանը, մասնագիտական կապերի ձևավորմանը և համագործակցության նոր ուղղությունների բացահայտմանը։

«Տեքստիլ ոլորտի օպերատոր» հիմնադրամի թիմը հերթական այցի շրջանակում այցելեց «Չիբուխչյան» նորաձևության դպրոց՝ ծանոթանալու կրթական ծրագրերին և ստեղծարար միջավայրին, որտեղ ձևավորվում է նոր սերնդի դիզայներների մասնագիտական տեսլականը։

Այցի ընթացքում ներկայացվեցին դպրոցի ուսումնական մոտեցումները, ծրագրերի կառուցվածքը և ուսանողների գործնական հմտությունների զարգացմանն ուղղված նախաձեռնությունները։ Քննարկվեցին նաև համագործակցության հնարավոր ուղիներ՝ ուղղված տեքստիլի և նորաձևության ոլորտներում մասնագիտական կարողությունների զարգացմանը, ինչպես նաև կրթության և արտադրության միջև կապի ամրապնդմանը։

ՏՈՕՀ-ը կարևորում է կրթական հաստատությունների հետ համագործակցությունը՝ որպես ոլորտի կայուն զարգացման հիմնասյուն։ Նման նախաձեռնությունները հնարավորություն են ստեղծում ձևավորելու հարթակ, որտեղ գաղափարները վերածվում են գործնական արդյունքների, իսկ երիտասարդ մասնագետները զարգանում են որպես ապագա ոլորտի առաջատարներ։
]]> Այց «Սփեյս 59» կարուձևի ուսուցման կենտրոն http://tiof.am/tpost/d258c5gc21-59 http://tiof.am/tpost/d258c5gc21-59?amp=true Wed, 29 Oct 2025 13:08:00 +0300

Այց «Սփեյս 59» կարուձևի ուսուցման կենտրոն

«Տեքստիլ ոլորտի Օպերատոր» հիմնադրամի թիմը մեկնարկել է նոր փուլ՝ ուղղված 2026 թվականի զարգացման ծրագրերի և նախաձեռնությունների ձևավորմանը։

Այս փուլում ՏՈՕՀ-ը մշակում է ռազմավարական ուղղություններ, որոնք նպատակ ունեն խթանել Հայաստանի տեքստիլ ոլորտի աճը, բարձրացնել մրցունակությունը և ամրապնդել ոլորտի երկարաժամկետ զարգացումը։ Հատուկ ուշադրություն է դարձվում կրթության, արտադրության և պետական-մասնավոր գործընկերության համադրությանը՝ որպես ոլորտի զարգացման առանցքային գործոնների։

Հերթական աշխատանքային հանդիպումը տեղի է ունեցել Space 59 ստեղծարար հարթակում, որտեղ քննարկվել են առաջիկա ծրագրերի հիմնական ուղղությունները և համագործակցության հնարավորությունները։

ՏՈՕՀ-ը շարունակելու է ակտիվ աշխատանքը՝ ոլորտի զարգացմանն ուղղված նախաձեռնությունների մշակման և իրականացման ուղղությամբ։ Առաջիկայում նախատեսվում է ներկայացնել ծրագրերի մանրամասները և սպասվող քայլերը։
]]> ՏՈՕՀ-ի այցը «ԿԻՎԵՐԱ ՆԱՅՆՈՄԻՍ» արտադրամաս և խանութ http://tiof.am/tpost/mf69zigvm1- http://tiof.am/tpost/mf69zigvm1-?amp=true Wed, 05 Nov 2025 13:20:00 +0300

ՏՈՕՀ-ի այցը «ԿԻՎԵՐԱ ՆԱՅՆՈՄԻՍ» արտադրամաս և խանութ

«Տեքստիլ ոլորտի օպերատոր» հիմնադրամի թիմը՝ տնօրենի Էրիկ Մինասյանի գլխավորությամբ, «Kivera Naynomis» բրենդի հրավերով այցելեց ընկերություն՝ ծանոթանալու գործունեությանը և զարգացման պատմությանը։

Այցի ընթացքում հիմնադրամի թիմը հանդիպեց բրենդի հիմնադիր Արևիկ Սիմոնյանի հետ, ով ներկայացրեց իր ստեղծագործական ուղին, բրենդի ձևավորման պատմությունը և զարգացման հիմնական փուլերը։ Նրա մոտեցումներում և գործունեության մեջ առանձնանում էին նվիրվածությունը, ստեղծարար մտածողությունը և արժեքների վրա հիմնված աշխատանքը։

Բրենդի պաշտոնական ներկայացումը կայացել է 2005 թվականի մայիսին։ Արևիկ Սիմոնյանի կողմից հիմնադրված «Kivera Naynomis»-ը հայտնի է իր յուրահատուկ ոճով, որը շեշտադրում է կանացի, էլեգանտ, շքեղ և համարձակ լուծումները՝ պահպանելով դրանց արդիականությունը ժամանակի ընթացքում։

Հանդիպումը հնարավորություն տվեց ավելի մոտիկից ճանաչելու հայկական նորաձևության ոլորտում գործող բրենդների փորձը և ընդգծելու ստեղծարարության և անհատական մոտեցման կարևորությունը ոլորտի զարգացման մեջ։

ՏՈՕՀ-ը կարևորում է նման այցերը՝ որպես հարթակ փորձի փոխանակման, ներշնչման և համագործակցության նոր հնարավորությունների ձևավորման համար։
]]> ՏՈՕՀ-ի այցը «Մարոնյան» նորաձևության ստուդիա http://tiof.am/tpost/75bpxm01z1- http://tiof.am/tpost/75bpxm01z1-?amp=true Thu, 30 Oct 2025 14:04:00 +0300

ՏՈՕՀ-ի այցը «Մարոնյան» նորաձևության ստուդիա

«Տեքստիլ ոլորտի օպերատոր» հիմնադրամի թիմը՝ տնօրենի Էրիկ Մինասյանի գլխավորությամբ, շարունակում է ոլորտի ակտիվ ուսումնասիրությունը և համագործակցության հնարավորությունների բացահայտումը՝ այցելելով հայկական նորաձևության առաջատար հարթակներ։ Այս շրջանակում հերթական այցը կատարվել է «Մարոնյան» նորաձևության ստուդիա, որտեղ թիմը հանդիպում ունեցավ նաև ստուդիայի հիմնադիր Հռիփսիմե Մարոնյանի հետ։

Այցի ընթացքում քննարկվել են համագործակցության հնարավոր ձևաչափեր՝ ուղղված տեքստիլի և նորաձևության ոլորտներում մարդկային ներուժի զարգացմանը, ինչպես նաև նոր գաղափարների և գիտելիքի տարածմանը։ Հատուկ ուշադրություն է դարձվել կրթության և արտադրության միջև կապի ամրապնդմանը՝ որպես ոլորտի կայուն զարգացման կարևոր նախապայմանի։

ՏՈՕՀ-ը կարևորում է նման համագործակցությունները՝ որպես հարթակ նորարար լուծումների ձևավորման, ստեղծարար մտածողության խթանման և ոլորտի համապարփակ զարգացման համար։

Հիմնադրամը շարունակում է իր գործունեությունը՝ միավորելով ոլորտի մասնակիցներին և նպաստելով Հայաստանի տեքստիլ ոլորտի նոր, մրցունակ և ժամանակակից կերպարի ձևավորմանը։
]]> Արդյունավետ գործընկերության ճանապարհին․ ՏՈՕՀ-ի այցը «Ատեքս» http://tiof.am/tpost/vzelzrs1i1- http://tiof.am/tpost/vzelzrs1i1-?amp=true Fri, 07 Nov 2025 14:19:00 +0300

Արդյունավետ գործընկերության ճանապարհին․ ՏՈՕՀ-ի այցը «Ատեքս»

«Տեքստիլ ոլորտի օպերատոր» հիմնադրամի թիմը այցելել է «Ատեքս» նորաձևության կենտրոն՝ ծանոթանալու կենտրոնի գործունեությանը և քննարկելու համագործակցության հնարավորությունները։

Այցի շրջանակում հիմնադրամի տնօրենի ժ/պ Էրիկ Մինասյանը հանդիպում է ունեցել «Ատեքս» նորաձևության կենտրոնի տնօրեն Կարինա Դնոյանի հետ։ Հանդիպման ընթացքում մանրամասն ներկայացվել է կենտրոնի ստեղծման պատմությունը, զարգացման ուղին և ներդրումը Հայաստանի տեքստիլ և նորաձևության ոլորտում։

«Ատեքս» նորաձևության կենտրոնը հանդիսանում է ոլորտի առաջատար հաստատություններից մեկը՝ համադրելով հագուստի նախագծումը, արտադրությունը և մոդելային գործակալության գործունեությունը։ Կենտրոնը հայտնի է նաև դիզայներների պատրաստման, անհատական պատվերների իրականացման և նորաձևության ցուցադրությունների կազմակերպման ուղղություններով՝ նպաստելով հայկական դիզայնի զարգացմանն ու միջազգային ներկայացվածությանը։

Քննարկման ընթացքում կողմերը անդրադարձել են կրթության, արտադրության և արտահանման ոլորտներում համագործակցության հնարավորություններին՝ կարևորելով ոլորտի զարգացման համար նորարարական մոտեցումների և համատեղ նախաձեռնությունների դերը։

Հիմնադրամի թիմը բարձր է գնահատել «Ատեքս» նորաձևության կենտրոնի գործունեությունը և շնորհակալություն հայտնել ջերմ ընդունելության և արդյունավետ քննարկման համար։
]]> ՏՈՕՀ–ը բացահայտում է Թումո ստուդիաներին http://tiof.am/tpost/a5fhyhugo1- http://tiof.am/tpost/a5fhyhugo1-?amp=true Sat, 15 Nov 2025 14:26:00 +0300

ՏՈՕՀ–ը բացահայտում է Թումո ստուդիաներին

«Տեքստիլ ոլորտի օպերատոր» հիմնադրամի թիմը այցելեց Թումո ստուդիաներ՝ ծանոթանալու ստեղծարար կրթական միջավայրին, որտեղ երիտասարդները գործնականորեն աշխատում են նյութերի, դիզայնի, արհեստագործության և նորարարության հետ։

Այցի ընթացքում թիմը հնարավորություն ունեցավ տեղում դիտարկել, թե ինչպես են ուսանողները ուսումնասիրում և կիրառում անալոգ արտադրության մոտեցումները՝ ստեղծելով որակյալ, կիրառական և ժամանակակից արտադրանք։ Նման միջավայրերը կարևոր դեր են խաղում ստեղծարար մտածողության զարգացման և մասնագիտական հմտությունների ձևավորման գործում։

Հանդիպման ընթացքում ընդգծվեց ստեղծարար կրթության և տեքստիլ արդյունաբերության միջև կապի ամրապնդման կարևորությունը՝ որպես ոլորտի կայուն զարգացման և նորարար լուծումների ձևավորման հիմք։


Թումո ստուդիաները անվճար կրթական ծրագիր է, որը նախատեսված է համալսարանական տարիքի ուսանողների և երիտասարդ մասնագետների համար, ովքեր հետաքրքրված են դիզայնով և արհեստագործությամբ։ Ոգեշնչված Հայաստանի հարուստ արհեստագործական ժառանգությունից՝ Թումո ստուդիաները համադրում է տեղական գիտելիքն ու փորձը ժամանակակից մեթոդների և դիզայներական միտումների հետ։ Թումո ստուդիաները տեղական ուսանողներին և երիտասարդ մասնագետներին կապում է միջազգային դիզայներների հետ՝ ատելյեների միջոցով, որտեղ նրանք ստեղծում են յուրահատուկ և նորարարական արտադրանքներ։
Հիմնադրամը շարունակելու է զարգացնել համագործակցությունները՝ միավորելով տեքստիլ արդյունաբերությունն ու ստեղծարար կրթությունը՝ ոլորտի ապագան համատեղ ձևավորելու նպատակով։
]]> ՏՈՕՀ-ը Հայաստանի ազգային պոլիտեխնիկական համալսարանի Գյումրու մասնաճյուղում http://tiof.am/tpost/z0hmyfu451- http://tiof.am/tpost/z0hmyfu451-?amp=true Mon, 17 Nov 2025 14:43:00 +0300

ՏՈՕՀ-ը Հայաստանի ազգային պոլիտեխնիկական համալսարանի Գյումրու մասնաճյուղում

«Տեքստիլ ոլորտի օպերատոր» հիմնադրամի թիմը հանդիպում ունեցավ Հայաստանի ազգային պոլիտեխնիկական համալսարանի Գյումրու մասնաճյուղի ներկայացուցիչների հետ՝ մասնաճյուղի տնօրեն, դոցենտ Արթուր Կոստանդյանի գլխավորությամբ։

Հանդիպման ընթացքում կողմերը քննարկեցին համագործակցության ռազմավարական ուղղությունները՝ ուղղված Հայաստանի տեքստիլ ոլորտի զարգացմանը։ Առանձնացվեցին մի շարք խոստումնալից համատեղ նախաձեռնություններ, այդ թվում՝ նոր կրթական ծրագրերի ներդրում, հետազոտությունների վրա հիմնված նախագծերի իրականացում, նորարարական լաբորատորիաների ձևավորում և նպատակային մասնագիտական վերապատրաստման ծրագրերի կազմակերպում։

Քննարկումը կարևոր քայլ էր համատեղ ճանապարհի ձևավորման գործում՝ ուղղված մարդկային ներուժի զարգացմանը, մասնագիտական կարողությունների ամրապնդմանը և ոլորտում բարձր ազդեցություն ունեցող ծրագրերի իրականացմանը։

ՏՈՕՀ-ը կարևորում է կրթական հաստատությունների հետ համագործակցությունը՝ որպես ոլորտի կայուն զարգացման առանցքային գործոն, և պատրաստակամ է շարունակել գործընկերության խորացումը՝ ուղղված գործնական արդյունքների ապահովմանը։
]]> «Ալեքս Տեքստիլ» ընկերությունում՝ ՏՈՕՀ–ի աշխատանքային հանդիպումը http://tiof.am/tpost/99a9jcasg1- http://tiof.am/tpost/99a9jcasg1-?amp=true Thu, 27 Nov 2025 14:49:00 +0300

«Ալեքս Տեքստիլ» ընկերությունում՝ ՏՈՕՀ–ի աշխատանքային հանդիպումը

«Տեքստիլ ոլորտի օպերատոր» հիմնադրամի թիմը՝ տնօրենի Է. Մինասյանի գլխավորությամբ, այցելեց «Ալեքս Տեքստիլ» ընկերություն՝ ծանոթանալու արտադրական գործընթացներին և քննարկելու ոլորտի զարգացմանն ուղղված հնարավոր քայլերը։

Այցի ընթացքում թիմը շրջայց կատարեց արտադրամասերում՝ ծանոթանալով ամբողջ արտադրական շղթային՝ հումքի ընտրությունից մինչև վերջնական արտադրանքի ստացում։ Քննարկվել են նաև այն բարելավումները և փոփոխությունները, որոնք կարող են նպաստել Հայաստանի տեքստիլ ոլորտում որակի բարձրացմանը և մրցունակության ամրապնդմանը։

«Ալեքս Տեքստիլ» ընկերությունը շուկայում առանձնանում է իր բարձրորակ արտադրանքով, ժամանակակից դիզայնով և մրցունակ գնային քաղաքականությամբ։ Արտադրությունում օգտագործվում է բարձր որակի հումք, իսկ արտադրամասերը հագեցած են միջազգային ճանաչում ունեցող ապրանքանիշերի սարքավորումներով, ինչը հնարավորություն է տալիս ապահովել կայուն և բարձրորակ արտադրանք։

ՏՈՕՀ-ը կարևորում է նման առաջատար ձեռնարկությունների հետ համագործակցությունը՝ որպես ոլորտի զարգացման, փորձի փոխանակման և միջազգային չափանիշներին համապատասխան արտադրության խթանման կարևոր հիմք։
]]> «Տեքստիլ ոլորտի օպերատոր» հիմնադրամի ստեղծմանը նվիրված միջոցառում http://tiof.am/tpost/jjozj1crd1- http://tiof.am/tpost/jjozj1crd1-?amp=true Tue, 02 Dec 2025 15:00:00 +0300

«Տեքստիլ ոլորտի օպերատոր» հիմնադրամի ստեղծմանը նվիրված միջոցառում

Դեկտեմբերի 2-ին կայացավ «Տեքստիլ ոլորտի օպերատոր» հիմնադրամի ստեղծմանը նվիրված պաշտոնական միջոցառումը, որը համախմբել էր պետական, մասնավոր և միջազգային կառույցների ներկայացուցիչներին։

Հիմնադրամը ստեղծվել է ՀՀ Էկոնոմիկայի նախարարության նախաձեռնությամբ՝ Միացյալ Թագավորության կառավարության «Լավ կառավարման հիմնադրամի», Վերակառուցման և զարգացման եվրոպական բանկի և Հայաստանի ներդրումային խորհրդի աջակցությամբ։

Միջոցառմանը մասնակցել է ՀՀ էկոնոմիկայի նախարարի տեղակալ Էդգար Զաքարյան-ը, ով իր ելույթում ընդգծել է տեքստիլ արդյունաբերության ռազմավարական նշանակությունը Հայաստանի տնտեսության համար՝ նշելով, որ ոլորտն ունի մեծ ներուժ ինչպես արտահանման, այնպես էլ ավելացված արժեքի ստեղծման տեսանկյունից։ Նա նաև նշել է, որ ոլորտի կայուն զարգացումը պահանջում է համակարգված մոտեցում, նորարարական լուծումներ և պետություն-մասնավոր համագործակցության արդյունավետ մեխանիզմներ։

Նախարարի տեղակալի խոսքով՝ Կառավարության 2025 թվականի հուլիսի 24-ի որոշմամբ ստեղծված հիմնադրամը բխում է տեքստիլ ոլորտի զարգացման ռազմավարությունից և միտված է ապահովելու ոլորտի շարունակական և համակարգված առաջընթացը։

Միջոցառման ընթացքում ՏՈՕՀ տնօրենի ժ/պ Էրիկ Մինասյան-ը հանդես է եկել ելույթով՝ ներկայացնելով հիմնադրամի առաջիկա ծրագրերը, ռազմավարական ուղղությունները և տեսլականը՝ միտված ոլորտի համակարգված զարգացմանը և միջազգային մրցունակության բարձրացմանը։


Ներկայացվել են նաև հիմնադրամի ստեղծման գործընթացը, նպատակները, կառավարման մոդելը և առաջիկա ծրագրերը՝ ուղղված տեքստիլ արդյունաբերության մրցունակության բարձրացմանը, շուկաների դիվերսիֆիկացմանն ու հայկական բրենդների զարգացմանը։

Միջոցառման շրջանակում կազմակերպվել է պանելային քննարկում, որի ընթացքում անդրադարձ է կատարվել ոլորտի զարգացման հեռանկարներին, տեխնոլոգիական արդիականացմանը, արտադրողականության բարձրացմանը և միջազգային շուկաներ մուտք գործելու հնարավորություններին։

Միջոցառմանը ներկա են եղել նաև Մեծ Բրիտանիայի դեսպան Ալեքսանդրա Քոուլ-ը, ինչպես նաև ֆինանսական, մասնավոր և միջազգային կառույցների ներկայացուցիչներ։
]]> ՏՈՕՀ-ը Երևանի թեթև արդյունաբերության պետական քոլեջում http://tiof.am/tpost/4e0cfe3u71- http://tiof.am/tpost/4e0cfe3u71-?amp=true Thu, 18 Dec 2025 15:21:00 +0300

ՏՈՕՀ-ը Երևանի թեթև արդյունաբերության պետական քոլեջում

«Տեքստիլ ոլորտի օպերատոր» հիմնադրամի (ՏՈՕՀ) թիմը հանդիպում է ունեցել Երևանի թեթև արդյունաբերության պետական քոլեջի ներկայացուցիչների հետ՝ քննարկելու Հայաստանի տեքստիլ ոլորտի առջև ծառացած հիմնական մարտահրավերները։

Հանդիպմանը մասնակցել են քոլեջի տնօրեն Արտակ Սարգսյանը և ՏՈՕՀ տնօրեն Էրիկ Մինասյանը։ Քննարկման ընթացքում կողմերը անդրադարձել են մասնագիտական կրթության զարգացմանը, ոլորտի կարիքներին և այն գործնական քայլերին, որոնց միջոցով հնարավոր է ամրապնդել կրթության և արտադրության միջև կապը։

Մասնավորապես, շեշտադրվել է համագործակցության կարևորությունը՝ ուղղված որակյալ մասնագետների պատրաստմանը, աշխատաշուկայի պահանջներին համապատասխան հմտությունների զարգացմանը և ոլորտի մրցունակության բարձրացմանը։

Երևանի թեթև արդյունաբերության պետական քոլեջը համանման մասնագետներ պատրաստող քոլեջների համար մշտապես ծառայել է, որպես ուսումնամեթոդական աշխատանքների կազմակերպման կոորդինացիոն կենտրոն:


Այսօր էլ քոլեջի առաջատար դասախոսները լուրջ դեր ունեն համակարգում մոդուլային ծրագրերի ներդրման գործում:

Վերջին 15 տարիների աշխատանքի փորձը վկայում է, որ քոլեջի շրջանավարտները տնտեսության ցանկացած բնագավառում ոչ միայն մրցունակ են, այլև աչքի են ընկնում իրենց ինտելեկտուալ դաստիարակությամբ, հայրենասիրությամբ և բարոյակամային բարձր հատկանիշներով:

Նման ձևաչափով համագործակցությունները կարևոր դեր ունեն Հայաստանի տեքստիլ արդյունաբերության զարգացման և նորարարությունների խթանման գործում՝ ստեղծելով կայուն և երկարաժամկետ ազդեցություն։
]]> ՏՈՕՀ-ի մասնակցությունը ոլորտային պլանավորման աշխատաժողովին http://tiof.am/tpost/v22oy12b71- http://tiof.am/tpost/v22oy12b71-?amp=true Mon, 22 Dec 2025 12:29:00 +0300

ՏՈՕՀ-ի մասնակցությունը ոլորտային պլանավորման աշխատաժողովին

«Տեքստիլ արդյունաբերության օպերատոր» հիմնադրամը (ՏՈՕՀ) հրավիրվել և մասնակցել է «2025 թվականի արդյունքների ամփոփման և 2026 թվականի պլանավորման» աշխատաժողովին, որը կազմակերպվել է հագուստի ոլորտի փոքր և միջին ձեռնարկությունների (SMEs) մասնակցությամբ։

Աշխատաժողովը իրականացվել է «Կայուն հագուստի և ագրոբիզնես արժեքային շղթաների զարգացում Հայաստանում» ծրագրի շրջանակում՝ Եվրոպական միության (EU4Armenia) աջակցությամբ և Միջազգային առևտրի կենտրոնի (ITC) կազմակերպմամբ։

Միջոցառման ընթացքում քննարկվել են 2025 թվականի ձեռքբերումները, ոլորտի զարգացման հիմնական ուղղությունները, ինչպես նաև 2026 թվականի առաջնահերթությունները։ Հատուկ ուշադրություն է դարձվել կայուն զարգացման, համագործակցության խորացման և արժեքային շղթաների ամրապնդման հարցերին։

ՏՈՕՀ-ի մասնակցությունը նման նախաձեռնություններին նպաստում է ոլորտի համախմբմանը, փորձի փոխանակմանը և համատեղ զարգացման նոր հնարավորությունների ձևավորմանը Հայաստանում։
]]> ՏՈՕՀ-ի այցը «Էլինա» հագուստի արտադրամաս http://tiof.am/tpost/lb7bar0ft1- http://tiof.am/tpost/lb7bar0ft1-?amp=true Sat, 20 Dec 2025 13:54:00 +0300

ՏՈՕՀ-ի այցը «Էլինա» հագուստի արտադրամաս

«Տեքստիլ ոլորտի օպերատոր» հիմնադրամի (ՏՈՕՀ) թիմը այցելել է «Էլինա» հագուստի արտադրամաս՝ նպատակ ունենալով առավել խորությամբ ծանոթանալ ընկերության գործունեությանը և արտադրական գործընթացներին։

Այցի ընթացքում թիմը ուսումնասիրել է արտադրամասի աշխատանքային հոսքերը, տեխնոլոգիական հնարավորությունները և որակի վերահսկման չափանիշները, ինչպես նաև բովանդակալից քննարկումներ է ունեցել ընկերության ղեկավարության և աշխատակիցների հետ։

«Էլինա»-ն 2010 թվականին հիմնադրված հայկական ապրանքանիշ է, որը մասնագիտացած է տեղական արտադրության բարձրորակ, կանացի և դասական հագուստի մեջ։ Ապրանքանիշն առաջարկում է նորաձև, գործնական և նուրբ լուծումներով զգեստներ, պիջակներ ու ժիլետներ, որոնք ստեղծված են կնոջն ինքնավստահ և էլեգանտ տեսք հաղորդելու համար։

Հանդիպումը նաև կարևոր հարթակ է հանդիսացել հետագա համագործակցության հնարավորությունների քննարկման համար։ Կողմերը փոխանակել են գաղափարներ հնարավոր համատեղ ծրագրերի և նախաձեռնությունների վերաբերյալ, որոնք ուղղված են տեքստիլ ոլորտի զարգացմանը, արտադրական կարողությունների ամրապնդմանը և կայուն աճի ապահովմանը։
]]> ՏՈՕՀ-ի հանդիպումը Նորաձևության և դիզայնի պալատի ներկայացուցիչների հետ http://tiof.am/tpost/xbivxhrpv1- http://tiof.am/tpost/xbivxhrpv1-?amp=true Fri, 26 Dec 2025 14:48:00 +0300

ՏՈՕՀ-ի հանդիպումը Նորաձևության և դիզայնի պալատի ներկայացուցիչների հետ

«Տեքստիլ ոլորտի օպերատոր» հիմնադրամի (ՏՈՕՀ) թիմը՝ տնօրեն Էրիկ Մինասյանի գլխավորությամբ, հանդիպում է ունեցել Հայաստանի նորաձևության և դիզայնի պալատի նախագահ Վահան Խաչատրյանի և պալատի ներկայացուցիչների հետ։

Հանդիպումն անցել է բաց և արդյունավետ քննարկման մթնոլորտում։ Կողմերը դիտարկել են համագործակցության հնարավորությունները, անդրադարձել Հայաստանի նորաձևության ոլորտի զարգացման ուղիներին, ինչպես նաև քննարկել համատեղ ծրագրերի իրականացման հեռանկարները։

Հատուկ ուշադրություն է դարձվել այն նախաձեռնություններին, որոնք կարող են նպաստել ոլորտի կայուն զարգացմանը, մրցունակության բարձրացմանը և հայկական նորաձևության առաջխաղացմանը։
Հայաստանի նորաձևության և դիզահնի պալատ հասարակական կազմակերպությունը հիմնադրվել է 2017 թվականին՝ նպատակ ունենալով ամրապնդել Հայաստանի նորաձևության, տեքստիլի և դիզայնի ոլորտը՝ այն լիարժեք ինտեգրելով տեղական և միջազգային ստեղծարար էկոհամակարգերին։

Պալատի տեսլականն է դառնալ Հայաստանում առաջատար կազմակերպություն, որը միավորում է նորաձևության և դիզայնի մասնագետներին՝ նպաստելով կայուն արդյունաբերության ձևավորմանը և հայկական ստեղծարար ու արտադրական հատվածը միջազգային շուկայում դիրքավորելով որպես էթիկական և մրցունակ դերակատար։

Այսօր Պալատը միավորում է ավելի քան 250 հայ դիզայներների, բրենդների, տեքստիլ ընկերությունների, ուսանողների և ստեղծարար մասնագետների։
]]> Նոր մասնագիտական վերապատրաստման ծրագիր՝ հագուստի ոլորտի մասնագետների համար http://tiof.am/tpost/vzl14t5vn1- http://tiof.am/tpost/vzl14t5vn1-?amp=true Thu, 05 Feb 2026 15:57:00 +0300

Նոր մասնագիտական վերապատրաստման ծրագիր՝ հագուստի ոլորտի մասնագետների համար

Միջազգային առևտրի կենտրոնը (ITC)՝ Եվրոպական միության ֆինանսավորմամբ իրականացվող «Հայաստանում կայուն ագրոբիզնեսի և հագուստի արժեքային շղթաների զարգացում» ծրագրի շրջանակում, «Տեքստիլ ոլորտի օպերատոր» հիմնադրամի (TIOF) և ATEX Fashion Center-ի հետ համագործակցությամբ մեկնարկել է «Վերնաշապիկների և բլուզների կոնստրուկտավորման և արտադրության խորացված մասնագիտական վերապատրաստման» 8-օրյա դասընթացը։

Այս նախաձեռնությունը հանդիսանում է TIOF–ITC արդյունավետ համագործակցության կարևոր օրինակ՝ ուղղված Հայաստանի տեքստիլ և հագուստի ոլորտում մարդկային կապիտալի զարգացմանը՝ միջազգային չափանիշներին համապատասխան։

Դասընթացը վարում է ոլորտի միջազգային ճանաչում ունեցող փորձագետ Իրինա Տաննուս-Ֆիլիչկինան, ով հանդիսանում է «Müller & Sohn» գերմանական նորաձևության և դիզայնի ակադեմիայի պաշտոնական ներկայացուցիչ, WorldSkills միջազգային փորձագետ և Reiser Manufaktur-ի կոնստրուկտոր՝ ունենալով երկարամյա փորձ նորաձևության, դիզայնի և հագուստի արտադրության ոլորտում։

Ծրագիրը բաղկացած է երկու փուլից՝

• 5-օրյա դասընթաց՝ միջին մակարդակի մասնագետների և մասնագիտական կրթական հաստատությունների դասախոսների համար,

• 3-օրյա առաջադեմ մոդուլ՝ փորձառու մասնագետների համար։

Դասընթացի ընթացքում մասնակիցները ծանոթանում են «Müller & Sohn» մեթոդաբանությանը, ժամանակակից գործվածքներին, կարի և կոնստրուկցիայի առաջադեմ տեխնիկաներին, ինչպես նաև եվրոպական շուկայի պահանջներին՝ ապահովելով գործնական և կիրառական գիտելիքների զարգացում։

Սա առաջին համատեղ մասնագիտական վերապատրաստման ծրագիրն է, որն իրականացվում է ՏՈՕՀ, ITC և ԱԹԵՔՍ նորաձության կենտրոնի համագործակցության շրջանակում՝ նշանավորելով ոլորտում շարունակական կրթական նախաձեռնությունների մեկնարկը:
]]> Կրթությունից արտադրություն․ ՏՈՕՀ-ը և ՀԱՊՀ Գյումրու մասնաճյուղը միավորում են ուժերը http://tiof.am/tpost/12cte9izi1- http://tiof.am/tpost/12cte9izi1-?amp=true Thu, 12 Mar 2026 16:37:00 +0300

Կրթությունից արտադրություն․ ՏՈՕՀ-ը և ՀԱՊՀ Գյումրու մասնաճյուղը միավորում են ուժերը

«Տեքստիլ ոլորտի օպերատոր» հիմնադրամը (ՏՈՕՀ) համագործակցության հուշագիր է ստորագրել Հայաստանի ազգային պոլիտեխնիկական համալսարանի Գյումրու մասնաճյուղի հետ։

Հուշագիրը ստորագրել են ՏՈՕՀ տնօրեն Էրիկ Մինասյանը և ՀԱՊՀ Գյումրու մասնաճյուղի տնօրեն, դոցենտ Արթուր Կոստանդյանը։

Համագործակցության նպատակն է խթանել տեքստիլ ոլորտի կրթական և մասնագիտական զարգացումը, ամրապնդել կրթություն–արտադրություն կապը և ստեղծել նոր հնարավորություններ ուսանողների համար՝ մասնագիտական հմտությունների զարգացման, պրակտիկայի կազմակերպման և աշխատանքի տեղավորման ուղղություններով։


Կողմերը կարևորել են նման համագործակցությունների դերը՝ ուղղված որակյալ մասնագետների պատրաստմանը և ոլորտի արդիական պահանջներին համապատասխան կարողությունների ձևավորմանը։

Այս համագործակցությունը կարևոր քայլ է Հայաստանի տեքստիլ արդյունաբերության կայուն զարգացման և նոր մասնագետների պատրաստման ճանապարհին։
]]> Նոր համագործակցություն՝ հանուն հմտությունների զարգացման․ ՏՈՕՀ × ՄԿՈՒԶԱԿ http://tiof.am/tpost/hz7ieu9xp1- http://tiof.am/tpost/hz7ieu9xp1-?amp=true Fri, 13 Mar 2026 12:13:00 +0300

Նոր համագործակցություն՝ հանուն հմտությունների զարգացման․ ՏՈՕՀ × ՄԿՈՒԶԱԿ

Տեղի է ունեցել գործնական հանդիպում «Տեքստիլ ոլորտի օպերատոր» հիմնադրամի (ՏՈՕՀ) տնօրեն Էրիկ Մինասյանի և Մասնագիտական կրթության և ուսուցման զարգացման ազգային կենտրոնի (ՄԿՈՒԶԱԿ) տնօրեն Տաթևիկ Գասպարյանի միջև։

Հանդիպման ընթացքում կողմերը քննարկել են համագործակցության հնարավորությունները՝ հատկապես մասնագիտական կրթության զարգացման, հմտությունների արդիականացման և ոլորտի կարիքներին համապատասխան ծրագրերի իրականացման ուղղությամբ։

Նշվել է, որ ՀՀ կրթության, գիտության, մշակույթի և սպորտի նախարարության և սոցիալական գործընկերների համատեղ որոշմամբ՝ 2012 թվականից Հայաստանը հանդիսանում է «Աշխարհի Հմտություններ» (WorldSkills International) միջազգային կազմակերպության անդամ։ Այս հարթակում Հայաստանը ներկայացնում է ՄԿՈՒԶԱԿ-ը։

Քննարկումների արդյունքում կողմերը համաձայնություն են ձեռք բերել համագործակցել ArmSkills շրջանակում՝ ուղղված երկարաժամկետ և կայուն ծրագրերի իրականացմանը, որոնք կնպաստեն տեքստիլ ոլորտում հմտությունների զարգացմանը և նոր մասնագետների պատրաստմանը։

Այս համագործակցությունը կարևոր քայլ է կրթություն–արտադրություն կապի ամրապնդման և ոլորտի մրցունակության բարձրացման ուղղությամբ Հայաստանում։
]]> ՏՈՕՀ-ը ներկա է գտնվել դիպլոմային աշխատանքների պաշտպանությանը http://tiof.am/tpost/zxumxymxr1- http://tiof.am/tpost/zxumxymxr1-?amp=true Fri, 06 Mar 2026 13:57:00 +0300

ՏՈՕՀ-ը ներկա է գտնվել դիպլոմային աշխատանքների պաշտպանությանը

«Տեքստիլ ոլորտի օպերատոր» հիմնադրամի (ՏՈՕՀ) ներկայացուցիչները ներկա են գտնվել «Հագուստի մոդելավորում և նախագծում» բաժնի ուսանողների դիպլոմային աշխատանքների պաշտպանությանը։

Պաշտպանության ընթացքում ուսանողները ներկայացրել են իրենց նախագծերն ու ստեղծագործական աշխատանքները՝ ցուցադրելով ձեռք բերած գիտելիքները, մասնագիտական հմտություններն ու ստեղծագործական մոտեցումները։

Միջոցառմանը որպես պատվավոր հյուր մասնակցել է ՏՈՕՀ տնօրեն Էրիկ Մինասյանը, ով իր ներկայությամբ ընդգծել է կրթության և արտադրական ոլորտի համագործակցության կարևորությունը։ Նա հետաքրքրությամբ ծանոթացել է ուսանողների աշխատանքներին, կիսվել մասնագիտական դիտարկումներով և հաջողություն մաղթել ապագա մասնագետներին։

ՏՈՕՀ-ը կարևորում է նման նախաձեռնությունները՝ որպես հարթակ երիտասարդ մասնագետների զարգացման, կրթություն–արտադրություն կապի ամրապնդման և ոլորտի շարունակական առաջընթացի ապահովման համար։
]]> ՏՈՕՀ-ի նախաձեռնությամբ՝ միջազգային վեբինար http://tiof.am/tpost/d9vugtjt81- http://tiof.am/tpost/d9vugtjt81-?amp=true Tue, 31 Mar 2026 09:52:00 +0300

ՏՈՕՀ-ի նախաձեռնությամբ՝ միջազգային վեբինար

«Տեքստիլ ոլորտի օպերատոր» հիմնադրամի նախաձեռնությամբ և PUM կազմակերպության հետ կնքված շրջանակային համաձայնագրի շրջանակում իրականացվել է «Էքսպոյին նախապատրաստում, վաճառք և մարքեթինգ» թեմայով վեբինար։

Համագործակցության նպատակն է ներգրավել միջազգային փորձագետների՝ աջակցելու հայկական տեքստիլ փոքր և միջին ձեռնարկություններին՝ զարգացնելու նրանց բանակցային հմտությունները, միջազգային շուկաներում դիրքավորումը և ռազմավարական հաղորդակցությունը։

Վեբինարը վարել է Խեա Էլեվելդը, ով ներկայացրել է տեքստիլ ոլորտի գլոբալ միտումները, միջազգային ցուցահանդեսներին մասնակցության հիմնական սկզբունքները, ինչպես նաև արդյունավետ վաճառքի և բանակցությունների ռազմավարությունները։

Վեբինարի ընթացքում մասնակիցները ձեռք են բերել գործնական գիտելիքներ՝ ցուցահանդեսներին արդյունավետ նախապատրաստվելու, նպատակների հստակ ձևակերպման, վաճառքի ռազմավարությունների ամրապնդման և գնորդների սպասելիքները ճիշտ գնահատելու վերաբերյալ։

Ծրագրի շրջանակում նախատեսվում է աջակցել շուրջ 20–30 ՓՄՁ-ների՝ տրամադրելով անհատական խորհրդատվություն և նպաստելով նրանց միջազգային շուկաներում առավել արդյունավետ ներգրավմանը։

Նախաձեռնության նպատակն է բարձրացնել հայկական տեքստիլ ոլորտի մրցունակությունը և խթանել կայուն զարգացումը։
]]>